Bli betre kjend med musikar, artist, låtskrivar og forfattar Hanne Kolstø. Ho er gjestementor på Trafo i november.
(Foto: Oda Berby)
Kven er du?
Ja, det er jo eit av livets mange mysterium som eg grublar på frå tid til annan, eit spørsmål eg ofte spør meg sjølv i kunsten min, om og om igjen. Men på papiret, er eg musikar, artist, låtskrivar, med over 11 album på samvittigheita, som for tida brukar mest tid på å skrive min første roman. Eg tør eigentleg ikkje heilt å kalle med forfattar enno, men eg kan prøve- eg er forfattar! Eg vaks opp på Sunnmøre, har budd litt rundt omkring etter det, mellom anna ti år i Kristiansand, som eg likar å kalle min andre heimby. No bur eg i skogen i Hvitsten, i eit lite lokalsamfunn langs Oslofjorden, kor mellom anna Munch fekk inspirasjon til nokre av dei største måleria sine. Utanom å skrive, musikk, eller tekst, elskar eg å snekre, skape ting med hendene.
Kva for uttrykk jobbar du med?
Eg blir berre meir og meir glad i tekst, med lyd eller utan: eit fascinerande uttrykk.
Kva har du å lære bort til Trafo sine medlemmar?
Eg håpar eg kan vise nye muligheitar, andre innfalsvinklar, hjelpe dei å utvide horisonten, og gje dei eit skyv til å ynskje fortsette utvikle kunstnarskapen, eit arbeid som aldri tek slutt, uansett kor lenge ein har vore i gamet.
Kva for forventning har du til opphaldet ditt som gjestementor?
Eg reknar med eg kjem over mykje bra, og gler meg veldig til å oppdage nye talent.